Dracocephalum spinulosum Popov
Maqomi: 3. G‘arbiy Tyan-Shanda kichik maydonlarda saqlanib qolgan kamyob endemik o‘simlik.
Qisqacha tavsifi: Bo‘yi 25 sm ga yetadigan ko‘p yillik o‘t. Barglari tuxumsimon, pastkilari barvaqt so‘liydi, qattiq, g‘adir-budir, tukli, barg bandi qisqa. Poyasi to‘rt qirrali. Gullari 2-6 tadan poyada halqa shaklida joylashgan, oqish yoki och qizg‘ish rangli. Iyul-avgust oyida gullab, mevasi avgust-sentyabrda yetiladi.
Tarqalishi: Toshkent viloyati: G‘arbiy Tyan- Shanning Ugom, Piskom, Chotqol tizmalarida tarqalgan. Qozog‘istonda ham uchraydi.
O‘sish sharoiti: Toshli va nuragan shag‘alli tog‘ yonbag‘irlarda, siyrak archazorlar orasida, ko‘proq ochiq joylarda o‘sadi.
Soni: Yakka-yakka, tuplari bir-biridan ajralgan holda uchraydi.
Ko‘payishi: Urug‘idan ko‘payadi.
O‘simlik soni va arealining o‘zgarish sabablari: Boshqa o‘simliklar bilan raqobatga bardosh bera olmasligi va chorva mollari tomonidan payhon qilinishi tufayli kamayib bormoqda.
Madaniylashtirilishi: Maʼlumotlar yo‘q.
Muhofaza choralari: Chotqol biosfera qo‘riqxonasida va Ugom-Chotqol milliy tabiat bog‘ida muhofaza etiladi. Manbalar. [8, 159].
«O‘zbekiston Qizil kitobi» © O‘R FA Zoologiya instituti, 2009