Allium ravenii F.O. Khass. et al.
Maqomi: 1. Ustyurtdagi kamyob endemik o‘simlik.
Qisqacha tavsifi: Piyozining eni 1 sm, qoramtir, qog‘ozsimon po‘stli. Poyasi 15–30 sm uzunlikda, silliq. Barglari 1–2 ta, uzunligi 5–20 sm, eni 0,5 sm, silliq. Soyaboni ko‘pgulli, siyrak, deyarli sharsimon, diametri 1–1,5 sm. Gulbandlari teng, gulyonbargchalari yo‘q, uzunligi 6 mm. Gulqo‘rg‘on bo‘laklari yulduzsimon, etli, pushtirang, uzunligi 5–7 mm, cho‘ziq-ovalsimon.
Tarqalishi: Qoraqalpog‘iston: Ustyurt platosi (sharqiy chink atroflari)da.
O‘sish sharoiti: Chink atrofidagi gipsli tuproqlarda o‘sadi.
Soni: 20 ga yaqin tuplari topilgan.
Ko‘payishi: Urug‘idan ko‘payishi mumkin.
O‘simlik soni va arealining o‘zgarish sabablari: Haddan tashqari ko‘p chorva boqilishi tufayli kamayib ketgan.
Madaniylashtirilishi: Maʼlumotlar yo‘q.
Muhofaza choralari: Muhofaza qilinmaydi. Manbalar. [365]. F. O‘. Hasanov.
«O‘zbekiston Qizil kitobi» © O‘R FA Zoologiya instituti, 2009