Ikkirang astragal

Maqomi 2. Oloy tizmasida tarqalgan kamyob endemik tur.

Qisqacha tavsifi. Bo‘yi 3-4 sm keladigan, yotiq qalin tuklar bilan qoplangan, deyarli poya- siz, ko‘p yillik o‘t. Bargi 1-2 sm uzunlikda, barg bandi ingichka, uzunligi 2-5 mm, bargchalari 4-5 juft, cho‘ziq, uzunligi 2-7 mm, eni 1 mm, ikkala to- moni qalin tukli. Gulpopugi 2-3 gulli. Kosachasi naysimon, uzunligi 12-16 mm. Tojbargi sariq, ba’zan qizg‘ish rangda. Dukkagining uzunligi 20-25 mm, eni 3 mm, uchiga va tubiga qarab toray- gan, tumshuqchasi qisqa, ko‘ndalang tomirli, may- da yotiq tukli, ikki tomonidan qisilgan. Aprel oyida gullab, aprel-may oylarida urug‘ beradi.

Tarqalishi. Farg‘ona viloyati: Oloy tiz- masining Chimyon, Shohimardon, Sadqoq, Vodil, Oqbilol, Qadamjoy va So‘x qishloqlari atrofla- rida tarqalgan. Qirg‘izistonda ham uchraydi.

O‘sish sharoiti. Tog‘ etaklaridagi jarliklar- da, shag‘alli bo‘z tuproqlar va konglomerat tog‘ jinslarida o‘sadi.

Soni. Yakka-yakka holda uchraydi.

Ko‘payishi. Urug‘idan ko‘payadi.

O‘simlik soni va arealining o‘zgarish sabablari. Aniqlanmagan.

Madaniylashtirilishi. Bu haqda ma’lumot- lar yo‘q.

Muhofaza choralari. Muhofaza qilinmaydi.

Manbalar. [65,156-159].

Sh. K. Tojibayev