Acantholimon annae Lincz.
Maqomi: 2. Hisor tog‘idagi kamyob endemik tur.
Qisqacha tavsifi: Yarimshar shaklidagi tig‘iz, yostiqsimon, diametri 10–12 sm ga yetadigan yarim buta. Bargi yashil, deyarli yassi-nashtarsimon, uzunligi 2–5 mm, eni 0,5–1,5 mm. Gulpoyasi oddiy, uzunligi 4–5 sm, bargidan uzunroq, tuksiz. Boshog‘i bir gulli. Kosachasi qirmizi, tojbargi pushti rangli. Iyul–avgust oylarida gullab, sentyabr– oktyabrda mevasi yetiladi.
Tarqalishi: Surxondaryo viloyati: Hisor tizmasi, To‘palang daryosi havzasida tarqalgan.
O‘sish sharoiti: Tog‘ning o‘rta qismidagi toshli, qoya toshli, tik yonbag‘irlarda o‘sadi.
Soni: Kam sonli populyatsiyasi tabiatda juda oz uchraydi.
Ko‘payishi: Urug‘idan ko‘payadi.
O‘simlik soni va arealining o‘zgarish sabablari: Tabiatda o‘simlikning holati va soni maxsus o‘rganilmagan.
Madaniylashtirilishi: Maʼlumotlar yo‘q.
Muhofaza choralari: Maxsus muhofaza choralari ishlab chiqilmagan. Manbalar. [11, 177, 178].
«O‘zbekiston Qizil kitobi» © O‘R FA Zoologiya instituti, 2009