Pontastacus kessleri (Schminkewitsch, 1884)
Maqomi: 2 (VU:D): Zaif, qisqarib borayotgan, endemik tur.
Tarqalishi: Sirdaryo havzasi.
Oʼzbekistondan tashqarida: Qozogʼiston.
Yashash joylari: Pasttekislikdagi kichik daryo va kanallar (oʼtmishda oʼzan koʼllarida ham boʼlgan.). Suv ostidagi kamarlar va turli pana joylarda, koʼpincha suv havzasining tik qirgʼoqlari ostida yashaydi.
Soni: Ilgari koʼp uchrar edi, keyingi oʼn yillar ichida keskin kamayib ketgan.
Yashash tarzi: Bir necha yil yashaydi. Kuzda urchiydi. Urgʼochisi urugʼlantirilgan uvildirigʼini iyungacha koʼtarib yuradi. Serpushtliligi - 200-300 uvildiriq.
Cheklovchi omillar: Suv havzalarining sanoat va qishloq xoʼjaligi taʼsirida ifloslanishi, Sirdaryo oqimining sunʼiy tartiblanishi natijasida qayir koʼllarining yoʼq boʼlib ketishi.
Koʼpaytirish: Sunʼiy sharoitda koʼpaytirilmagan.
Muhofaza choralari: Yashash joylarida muhofazasini tashkillashtirish, suv havzalarini ifloslanishdan saqlash, boshqa suv havzalariga koʼchirish.
«O‘zbekiston Qizil kitobi» © O‘R FA Zoologiya instituti, 2009