Glaucopsyche charibdis (Staudinger, 1886)
Maqomi: 2 (VU:D): Zaif, qisqarib borayotgan, mozaik tarqalgan endemik tur.
Tarqalishi: Surxondaryoning Koʼkaydi, Oqqoʼrgʼon q. va Zarafshonning Samarqand sh. yaqinidagi qayirlari, Qizilqumning Amudaryoga tutash qismlari, Markaziy Fargʼona.
Oʼzbekistondan tashqarida: Tojikiston, Turkmaniston.
Yashash joylari: Tekislik daryolar qirgʼoqlaridagi toʼrangʼi toʼqaylar va ularning atroflari, sugʼorish kanallari boʼylab sugʼoriladigan yerlarga qaytadan kirishi mumkin.
Soni: Ilgari koʼp uchrar edi, keyingi oʼn yillar davomida keskin kamayib ketgan.
Yashash tarzi: Kam oʼrganilgan. Bir yiliga bir marta nasl beradi. Uchishi va tuxum qoʼyishi - aprel-mayda. Qurti qizilmiyada (Glycyrrhyza glabra) yashaydi.
Cheklovchi omillar: Xoʼjalik faoliyati oqibatida toʼqaylarning hamda ozuqa oʼsimligining yoʼq qilinishi.
Koʼpaytirish: Koʼpaytirilmagan.
Muhofaza choralari: Zarafshon va Qizilqum qoʼriqxonalarida muhofaza ostida; yashash joylari, soni va yashash tarzini mukammal oʼrganish lozim.
«O‘zbekiston Qizil kitobi» © O‘R FA Zoologiya instituti, 2009