Melanoides kainarensis Starobogatov et Izzatullaev, 1980
Maqomi: 2 (VU:R): Zaif, tabiatan kamyob, lokal tarqalgan endemik tur.
Tarqalishi: Karnabchoʼldagi Boshhovuz bulogʼi.
Oʼzbekistondan tashqarida:Turkmaniston, Afgʼoniston.
Yashash joylari:Tekisliklardagi iliq (18-20°) buloqlar va ular hosil qilgan iliq soy va hovuzlar. 2,5 metrgacha boʼlgan chuqurliklarda toshli, loyli va loyqa bosgan tuproqlarda yashaydi.
Soni: Lokal populyatsiyalarda har kv.m. da 120 donagacha boʼlishi mumkin.
Yashash tarzi: 5-8 yil yashashadi. Koʼpayishi bir jinsli, erkaklari juda kamyob. Tuxumlari kam, ular maxsus boʼlmada rivojlanadi va undan yosh mollyuskalar chiqadi. Bakteriya poʼpanaklari va mikrosuvoʼtlari bilan oziqlanadi.
Cheklovchi omillar: Buloqlar suvi hajmining oʼzgarishi, suv haroratining pasayishi, havzalarning ifloslanishi.
Koʼpaytirish: Imkoni mavjud.
Muhofaza choralari: Yashash joylarini muhofaza qilish, suv havzalari gidrorejimi barqarorligini taʼminlash, ularni ifloslanishdan saqlash.
«O‘zbekiston Qizil kitobi» © O‘R FA Zoologiya instituti, 2009