Yuqori To‘palang milliy bog‘i: 820 turdagi o‘simlik va qor qoploni yashaydigan tog‘lar

Yuqori To‘palang milliy tabiat bog‘i Surxondaryo viloyatining Sariosiyo tumanida, Tojikiston bilan chegaradosh tog‘larda joylashgan. U 2022-yil 4-martda tashkil etilgan, maydoni 27 851 gektar. Ekologiya va iqlim o‘zgarishi milliy qo‘mitasi bog‘ tabiati haqida maʼlumot berdi.

Bog‘da 820 turdagi o‘simlik o‘sadi: 145 tasi dorivor, 30 ga yaqini Oʻzbekiston Qizil kitobiga kiritilgan. Shirach (eremurus), ulkan piyoz, anor va boshqa joyda uchramaydigan endemik turlar bor.

Hayvonlardan 200 dan ortiq tur qayd etilgan, 17 tasi Qizil kitobda. Sutemizuvchilardan qo‘ng‘ir ayiq, Turkiston silovsini, ilvirs (qor qoploni) va Oʻrta Osiyo qunduzi uchraydi. Yirtqich qushlardan itolg‘i, tasqara va oq boshli qumoy, tog‘ suvlarida Turkiston laqqachasi yashaydi.

Ilvirs va Sibir tog‘ echkisi Tojikiston bilan chegaradosh tog‘lar orqali ko‘chib yuradi.

Qo‘mita bog‘da ilmiy tadqiqot, ekologik taʼlim va ekoturizm uchun imkoniyat borligini qayd etgan.