Quyosh va shamol stansiyalari 9 milliard kilovatt-soat elektr energiyasi ishlab chiqardi

“The Times of Central Asia” nashri Oʻzbekiston Energetika vazirligining 2025-yil 22-oktabrdagi maʼlumotlariga tayanib xabar berishicha, mamlakatdagi quyosh va shamol elektr stansiyalari 2025-yilda 9 milliard kilovatt-soat elektr energiyasi ishlab chiqargan. Nashr buni rekord ko‘rsatkich deb atagan.

Raqamlar

• Mamlakatda 12 ta quyosh fotoelektr stansiyasi va 5 ta shamol elektr stansiyasi ishlamoqda. Ularning umumiy quvvati 4 682 megavatt.
• Shu stansiyalar hisobiga 2,73 milliard kub metrga yaqin tabiiy gaz tejalgan.
• Havoga 4 million tonnaga yaqin zararli modda chiqishining oldi olingan.
• 22-oktabr holatiga ko‘ra, gidro, quyosh va shamol stansiyalari birgalikda yil boshidan 14,52 milliard kilovatt-soat elektr energiyasi bergan. Bu mamlakatda ishlab chiqarilgan jami elektr energiyasining taxminan 23 foizi.

Xonadonlar hisobida

Rasmiylar hisobiga ko‘ra, 9 milliard kilovatt-soat 7,5 million xonadonning o‘n oylik yoki 6 million xonadonning bir yillik elektr energiyasiga bo‘lgan ehtiyojini qoplaydi.

Qayta tiklanuvchi energiya

Quyosh nuri, shamol va oqar suv tugab qolmaydi, shuning uchun ulardan olinadigan energiya qayta tiklanuvchi yoki “yashil” energiya deb ataladi. Bunday stansiyalar yoqilg‘i yoqmaydi. Yuqoridagi tejalgan gaz va havoga chiqmagan zararli moddalar shu bilan bog‘liq.