Pungitius platygaster (Kessler, 1859)
ssp. aralensis (Kessler, 1874)
Maqomi. 3(NT): Yoʼq boʼlib ketish ehtimoliga yaqin Orol endemik kenja turi.
Tarqalishi: Amudaryoning quyi qismi; oʼtmishda - Orol dengizi.
Oʼzbekistondan tashqarida:Qozogʼiston, Qirgʼiziston, Turkmaniston. Qora, Azov va Kaspiy dengizlarining suvi chuchuklashgan qismlarida - boshqa kenja turlari.
Yashash joylari:Chuchuk, hamda shoʼr suvlarda yashaydi, oqmas yoki tinch oqimli suv havzalarni afzal koʼradi.
Soni: Ilgari koʼp boʼlgan edi, keyingi oʼn yilliklar davomida arealining maʼlum qismida sonining uzluksiz qisqarib borayotgani qayd
etilgan.
Yashash tarzi: Oʼtroq yashaydigan baliq. Jinsiy voyaga 1 yoshda yetadi. Urchishi - aprel-mayda. Serpushtliligi - 250 dona uvildiriq atrofida. Asosan suv hasharotlarining lichinkalari va ayrim suv boʼgʼimoyoqlilari bilan ovqatlanadi.
Cheklovchi omillar: Suv havzalarida suv rejimining oʼzgarishi va suvning ifloslanishi; Orol dengizi sathining pasayishi va suvining shoʼrlanishi; kelgindi baliqlar raqobati.
Koʼpaytirish:Koʼpaytirilmagan.
Muhofaza choralari: Mavjud a real i, sonini batafsil oʼrganish, yashash joylarida muhofazasini tashkillashtirish lozim.
«O‘zbekiston Qizil kitobi» © O‘R FA Zoologiya instituti, 2009