Anthia mannerheimi Chaudoir, 1842
Maqomi: 1(EN): Yoʼq boʼlib ketayotgan lokal endemik.
Tarqalishi: Sandiqli choʼlining Shimoli-Gʼarbiy qismi (Amu-Buxoro kanali atrofi).
Oʼzbekistondan tashqarida: Turkmaniston, Eron.
Yashash joylari: Choʼllarning mustahkamlashgan va yarim mustahkamlashgan qumli massivlari. Tepaliklar oʼrtasidagi soylik yerlarda yashaydi.
Soni: Oʼzbekistonda ayrim topilmalar orqali maʼlum.
Yashash tarzi: Kam oʼrganilgan. Yilda bir marta nasl beradi. Voyaga yetganlari aprel-may oylarida faol boʼladi. Yirtqich, boʼgʼimoyoqlilar, mayda kaltakesaklar bilan oziqlanadi.
Cheklovchi omillar: Choʼl qoʼriqlarining xoʼjalik maqsadla- rida oʼzlashtirilishi, xususan shudgorlash va yaylovdan chorvachilikda haddan tashqari foydalanish, kollektsiya maqsadlari uchun yigʼish.
Koʼpaytirish: Koʼpaytirilmagan.
Muhofaza choralari: Yashash joylari, soni, hayot tarzini mukammal oʼrganish, yashash joylarida muhofazasini tashkillashtirish.
«O‘zbekiston Qizil kitobi» © O‘R FA Zoologiya instituti, 2009