Cleome gordjaginii Popov
Maqomi: 1. Janubiy Pomir-Oloyning o‘ta kamyob, relikt o‘simligi.
Qisqacha tavsifi: Poyalari 50–120 sm balandlikdagi, sarg‘ish momiq tukli bir yillik o‘t o‘simlik. Barglari tuxumsimon, momiq tukli, uzunligi 4–5 mm, eni 3–3,5 mm. Kosachabarglari lansetsimon, 3 tasi bir xil, 4-si yirikroq, 7 mm gacha. Changchilari 6 ta. Ko‘sagi 25–50 mm uzunlikda, eni 1,5–2 mm, o‘tkir burunchali, bezli tuklari bor. Avgustda gullab, sentyabrda mevalaydi.
Tarqalishi: Surxondaryo: Kelif-Sherobod tepaliklari. O‘zbekistondan tashqarida: Turkmaniston (Kopetdog‘).
O‘sish sharoiti: Gipsli yonbag‘irliklar.
Soni: 2009 yilda 20 tupi topilgan.
Ko‘payishi: Urug‘idan ko‘payadi.
O‘simlik soni va arealining o‘zgarish sabablari: Chorva mollarining ko‘p boqilishi, turning reliktligi va ola jinsli maydonlarning qisqarib borishi.
Madaniylashtirilishi: Maʼlumotlar yo‘q.
Muhofaza choralari: Muhofaza qilinmaydi. Manbalar. [262, 310]. T. T. Rahimova.
«O‘zbekiston Qizil kitobi» © O‘R FA Zoologiya instituti, 2009