Pandion haliaetus (Linnaeus, 1758)
ssp. haliaetus (Linnaeus, 1758)
Maqomi: Kosmopolit
turning zaif, tabiatan kamyob, uchib oʼtuvchi nominal kenja turi.
Tarqalishi: Xorazm vil. - uyalash; deyarli barcha hududlarda - uchib oʼtish.
Oʼzbekistondan tashqarida: Yevropa, Osiyoning shimolidan tashqari va Afrika shimoli (uyalash); Osiyo va Afrika janubi (qishlash). Shimoliy Amerika, Avstraliya, Okeaniyada - boshka kenja turlari.
Yashash joylari: Tekisliklar va togʼ etaklaridagi suvi tiniq havzalar.
Soni: Doimo kam boʼlgan. Bir necha yuztasi yakka holda va kichik gala boʼlib uchib oʼtadi; uyalashi - Amudaryoning quyi qismida - sanoqli va nomuntazamdir.
Yashash tarzi: Bahorgi uchib oʼtishi - mart-may oylarida. Daraxt va simyogʼochlar ustiga in quradi. May-iyunda 2-3 ta tuxum qoʼyadi va 25 kun bosib yotadi; poloponlari iyun-iyulda ucha boshlaydi. Kuzgi uchib oʼtishi - avgust-oktyabrda. Baliqlar bilan oziqlanadi.
Cheklovchi omillar:Suv rejimining oʼzgarishi oqibatida yashash joylarining yemirilishi, elektr uzatish tizmalarida nobud boʼlishi.
Muhofaza choralari:Ovlash taqiqlangan. Sudochye, Dengizkoʼl, Qoraqir, Tuzkon k. buyurtmaxonalarda muhofaza ostiga olingan. SITESning II-Ilovasiga kiritilgan.
«O‘zbekiston Qizil kitobi» © O‘R FA Zoologiya instituti, 2009