Qashqadaryoda tojik ferulasining 753 o‘simlikiga zarar yetkazildi, deya xabar beradi Ekologiya vazirligi. Ularning ildiz tizimlari kesilgan va qazilgan.

Qoidabuzarlik Qashqadaryo viloyati Dehqonobod tumanidagi "Sebatli" massivida tuman ekologiya bo‘limi tomonidan o‘tkazilgan reyd davomida aniqlangan.

"Reyd davomida Sebatli massivida 753 tojik Ferula o‘simliklari zarar ko‘rganligi aniqlandi, ularning ildiz tizimlari qazilgan va kesilgan", deyiladi xabarda.

Tabiatga yetkazilgan zarar 372 mln 735 ming so‘mni tashkil etadi. Hozirgi vaqtda prokuraturaga yuborish uchun hujjatlar yig‘ilmoqda.

Eslatib o‘tamiz, tojik ferulasi Oʻzbekiston qizil kitobiga kiritilgan va mamlakat hududida kamayib borayotgan o‘simlik maqomiga ega.