Oʻzbekistonda sanoat korxonalaridan atmosferaga chiqadigan zaharli chiqindilar miqdori 2022 yilga nisbatan 35 ming tonnaga (yoki 4 foizga) kamaydi, deya xabar beradi ekologiya, atrof-muhitni muhofaza qilish va iqlim o‘zgarishi vazirligi.

Idora maʼlumotlariga ko‘ra, bunday ko‘rsatkichlarga quyidagi chora-tadbirlar hisobiga erishildi:

96 ta sanoat korxonalarida uskunalar modernizatsiya qilindi va 362 ta gaz tozalash va chang yig‘ish qurilmalari joriy etildi, natijada atmosferaga 2590,8 tonna zaharli chiqindilar chiqarilishiga yo‘l qo‘yilmadi;

43 ta yangi korxonada 307 ta yuqori va o‘rta darajadagi ekologik xavfli filtrlar o‘rnatildi;

"toza havo" oyi davomida chiqindi gazlardagi ifloslantiruvchi moddalar miqdori bo‘yicha 295 582 ta avtotransport vositasi o‘lchandi. 8 041 ta avtotransport vositasida chiqindi gazlarning ortiqcha normalari tartibga solingan;

245 korxona va tashkilotlar tomonidan atrof-muhit va atmosfera havosini muhofaza qilish bo‘yicha 486 ta chora-tadbirlar amalga oshirilishi hisobiga atmosferaga 18 ming tonna ifloslantiruvchi moddalar chiqarilishining oldini oldi.