Maqomi

2. Nurota tog‘i va shimoli-g‘arbiy Tyan-Shanning areali qisqarib borayotgan kamyob endemik o‘simligi.

Qisqacha tavsifi

Bo‘yi 20-30 sm ga etadigan zich poyali, chim hosil qilib o‘suvchi ko‘p yillik o‘t. Barglari ingichka, chiziqli, chetlari ichkarisiga bukilgan, dag‘al tukli, yuqori qismi biroz kengaygan, to‘pguli ingichka, kam boshoqchali bo‘lib, girdini o‘rab turadi. Boshog‘ining uzunligi 8-9 sm, bir marta bo‘g‘im-bo‘g‘im bo‘lib bukilgan, pastki qismi tuksiz, bo‘g‘imidan yuqorisi patsimon tukli, tuklari 5-7 mm uzunlikda. Iyun–iyul oylarida gullab, meva beradi.

Tarqalishi

Navoiy viloyati: Nurota tizmasining g‘arbiy qismi, Qoratog‘va Oqtog‘tizmalarida o‘sadi. Qozog‘istonda ham uchraydi.

Oʻsish sharoiti

Tog‘larning o‘rta va pastki qismlaridagi toshli, soz tuproqli va ohaktoshli yonbag‘irlarda o‘sadi.

Soni

Kam tarqalgan, kichik-kichik tuplar hosil qiladi.

Ko‘payishi

Urug‘idan ko‘payadi.

Oʻsimlilar soni va arealining o‘zgarish sabablari

Sanoat korxonalari va boshqa inshootlar qurilishi hamda chorva mollarining boqilishi tufayli kamayib bormoqda.

Madaniylashtirish

Maʼlumotlar yo‘q.

Muhofaza choralari

Maxsus muhofaza choralari ishlab chiqilmagan.