Maqomi

2. Gʻarbiy Pomir-Oloydagi nihoyatda kamyob endemik o‘simlik.

Qisqacha tavsifi

Bo‘yi 1 m gacha etadigan o‘q ildizli, ko‘p yillik o‘t. Ildiz bo‘g‘izi shoxlangan, eski barg qoldiqlari bilan qoplangan. Poyalari ko‘p, deyarli bargsiz, o‘rtasidan sh o x l a n g a n . Yopirma barglari qalin, uzun bandli, uch karra patsimon qirqilgan, bo‘laklari mayda ovalsimon. Poyadagi barglari juda mayda, uzunligi 3-4 mm, poyaning yuqori qismidagilari esa maydalashib, novga aylangan. Soyabonining eni 4-8 sm. Tojbarglari teskari tuxumsimon, oq. Iyun oyida gullab, mevasi iyulda etiladi.

Tarqalishi

Qashqadaryo va Surxondaryo viloyatlari: Zarafshon va Hisor tizmalarining g‘arbiy qismida tarqalgan.

Oʻsish sharoiti

Tog‘larning toshli yonbag‘irlari (archazorlar)da o‘sadi.

Soni

Uchta erda mavjudligi aniqlangan. Umumiy soni haqida aniq maʼlumotlar yo‘q.

Ko‘payishi

Urug‘idan ko‘payadi.

Oʻsimlilar soni va arealining o‘zgarish sabablari

Aniqlanmagan.

Madaniylashtirish

Maʼlumotlar yo‘q.

Muhofaza choralari

Hisor va kitob davlat qo‘riqxonalarida muhofaza etiladi.