Maqomi: 2(VU:D): Gʼarbiy Tyanьshanning zaif, qisqarib borayotgan, lokal tarqalgan endemik relikt turi.

Tarqalishi: Chirchiq daryosi havzasining yuqori qismi (Chotqol, Koʼksuv, Pskom, Ugom daryolari). 

Oʼzbekistondan tashqarida:Qozogʼiston.

Yashash joylari: Daryolarning togʼ va togʼoldi qismlaridagi toza, tiniq suvli, oqimi nisbatan sust va tubi toshshagʼalli, koʼproq shagʼal va harsang toshli joylari.

Soni: Ilgari barcha yashash joylarida koʼp bulgan .Oxirgi oʼn yillar davomida soni keskin kamayib ketdi.

Yashash tarzi: Togʼ daryosi tubida yashovchi kamharakat va kam sonli galalar hosil qiluvchi sovuqsevar baliq. Jinsiy voyaga 2-3 yoshda yetadi. Urchishi - may-iyulda. Serpushtliligi - 80-540 donagacha uvildiriq. Suv hasharotlari lichinkalari bilan ovqatlanadi.

Cheklovchi omillar: Chirchiq daryosi oqimning sunʼiy tartiblanishi natijasida tabiiy suv rejimining oʼzgarishi, suvning ifloslanishi; rekreatsion faoliyat; iqlimlashtirilgan baliqlar raqobati.

Koʼpaytirish: Koʼpaytirilmagan.

Muhofaza choralari: Chotqol qoʼriqxonasi va Ugom-Chotqol milliy bogʼida muhofaza qilinadi. Turning yashash joylarida maxsus muhofaza tartibini oʼrnatish, oromgohlarda targʼibot ishlarini olib borish lozim