Maqomi: 2(VU:R):Zaif, tabiatan kamyob, lokal tarqalgan tur.

Tarqalishi: Janubi-G`arbiy Qizilqum ("Jayron" ekomarkazi), Bo`kantog`,(Qashqadaryo

deltasi), Ko`hitang t., Sherobod atroflari.

O`zbekistondan tashqarida: Turkmaniston,Eron, Afg`oniston Pokiston.

Yashash joylari: Tekislik va tog` etaklarining qumli va tuproq-shag`alli qismlari, qoldiq tepaliklar, botiqlarning jarliklari, qurigan daryo o`zanlari (d.s.b. 2000 metrgacha).

Soni: Barcha joylarda kam uchraydi, O`zbekistonda sanoqli

Yashash tarzi: Martdan oktyabrgacha tunlari faol, kunduzi tuproq yoriqlarida, toshlar ostida, kemiruvchilar, kaltakesaklar inida, chumolilar uyalarida yashirinadi va o`sha erda qishlaydi; ba`zan o`zi ham in quradi. Iyun-iyulda 3-4 ta cho`zinchoq tuxum qo`yadi. Jinsiy voyaga 2 yilda etadi. Mayda kaltakesaklar va ularning tuxumlari bilan oziqlanadi.

Cheklovchi omillar: Erlarning o`zlashtirilishi.

Ko`paytirish:Ko`paytirilmagan.

Muhofaza choralari: "Jayron" ekomarkazida muhofaza ostiga olingan.