Maqomi: 2 (VU:R): Zaif, tabiatan kamyob, lokal tarqalgan kenja tur.

Tarqalishi: Surxondaryo vil. janubi, Qizilqum cho`li. 

O`zbekistondan tashqarida: Tojikiston, Turkmaniston, Eron, Afg`oniston.Hindiston, Pokiston, Shri-Lankada - boshqa kenja turi.

Yashash joylari: Qum va tuproqli cho`llar, jar va o`nqirlar,

tog`larning pastki qismlaridagi

siyrak o`tbutali toshli qiyaliklar, dalalar va eski turar joylar.

Soni: O`zbekistonda sanoqli topilmalari ma`lum.

Yashash tarzi: Aprel-oktyabrda tunlari faol, kunduzi tuproq yoriqlarida, toshlar tagida, jarliklardagi qushlar uyasida yoki kemiruvchilar inida jon saqlaydi va shu erda qishlaydi ham.Daraxt va tomlarda tez o`rmalaydi.Taxminan may oyida juftlashadi. Iyun-iyulda 3-11 tuxum qo`yadi, bolasi sentyabr-oktyabrda tuxumdan chiqadi. Kaltakesak va qushlar bilan oziqlanadi.

Cheklovchi omillar: Erlarning o`zlashtirilishi.

Ko`paytirish: Sankt-Peterburg hayvonot bog`ida nasl olingan.

Muhofaza choralari: Ishlab chiqilmagan.