Corbicula fluminalis (O.F. Mueller, 1774)

Maqomi: 2(VU:D): Zaif, qisqarib borayotgan, mozaik tur.

Tarqalishi: Zarafshon d. qayirlari.

Oʼzbekistondan tashqarida: Turkmaniston, Ozarbayjon, Eron, Suriya, Isroil.

Yashash joylari: Tekisliklardagi chuchuk suvli soylar. Chuqurligi 1,5 metrgacha boʼlgan loyqali joylarda yashaydi.

Soni: Oldinlari koʼp uchrar edi, keyingi oʼn yillar davomida keskin kamayib, baʼzi joylarda butunlay yoʼq boʼlib ketgan.

Yashash tarzi: Kam oʼrganilgan. 5-6 yil yashaydi. Tuxum qoʼyadi. Chirindilar bilan oziqlanadi. Suvni tozalash xususiyatiga ega.

Cheklovchi omillar: Suv sathining keskin oʼzgarishi, xoʼjalik faoliyati oqibatida ularning ifloslanishi, chigʼanoqlarini yigʼish.

Koʼpaytirish: Imkoni mavjud.

Muhofaza choralari: Yashash tarzi va arealini mukammalroq oʼrganish, yashash makonlarining muhofazasini tashkillashtirish, suv havzalari gidrorejimini bir maromda saqlash, ifloslanishdan muhofaza qilish, chigʼanoqlar yigʼishni taqiqlash.