Maqomi: 1(CR): Butunlay yoʼq boʼlib ketish arafasida turgan Fargʼona endemiki.

Tarqalishi: Qoʼqon sh. yaqinidagi Pechqoran koʼlida turning yagona populyatsiyasi mavjud.

Yashash joylari: Tekislikdagi harakatchan suv havzalari. Loy qatlamlarida 2 metrgacha boʼlgan chuqurliklarda yashaydi.

Soni: Bir nechtagina nusxada maʼlum.

Yashash tarzi: 5-10 yil yashaydi. Germafrodit, tuxumini kuzda tashqi oyqulogʼining ichiga qoʼyadi, ularni tashqariga keyingi yozda chiqaradi. Lichinkalari 5-8 hafta baliqlarning suzgichlari va oyquloqlarida rivojlanadi. Organik chirindilar bilan oziqlanadi. Suvni tozalaydi.

Cheklovchi omillar: Suv havzalarida suv sathining keskin oʼzgarishi, xoʼjalik faoliyati natijasida ularning ifloslanishi.

Koʼpaytirish: Imkoni mavjud.

Muhofaza choralari: Yashash joylarini muhofaza qilish, suv havzalari gidrorejimini bir maromda ushlash, ularni ifloslanishdan saqlash, chigʼanoqlarini yigʼishni taqiqlash.