Glareola nordmanni Nordmann, 1842

Maqomi:  2(VU:R): Zaif, tabiatan kamyob, uchib oʼtuvchi tur. TMXI Qizil roʼyxatiga kiritilgan [NT].

Tarqalishi: Janubiy Orolboʼyi (uchib oʼtish, yozgi uchrashi; uyalashi ehtimoli ham mavjud); tekisliklar (uchib oʼtish). 

Oʼzbekistondan tashqarida: Ukraina, Rossiya gʼarbi, Qozogʼistonning dasht hududlari (uyalash); Janu¬biy Аfrika (qishlash).

Yashash joylari: Tekisliklardagi suv havzalarining koʼpincha botqoqlashgan qirgʼoqlari; Orolboʼyi koʼllaridagi mayda orollar.

Soni:  Doimo kam boʼlgan. Uchib oʼtishda va yozda (sh.j. Orolboʼyida) bir necha oʼntasi uchraydi. 

Yashash tarzi:  Bahorgi uchib oʼtishi - aprel-mayda. May-iyunda, koʼpincha boʼz jiqtoq bilan aralash koloniyalarda, yerga 3¬4 ta tuxum qoʼyadi va 17-18 kun bosib yotadi; poloponlari iyun-iyuldan ucha boshlaydi. Kuzgi uchib oʼtishi - avgust-sentyabrda. Suv umurtqasizlari bilan oziqlanadi.

Cheklovchi omillar:  Janubiy Orolboʼyida suv rejimining oʼzgarishi va Qozogʼiston choʼllarining oʼzlashtirilishi oqibatida yashash joylarining buzilishi.

Koʼpaytirish:  Koʼpaytirilmagan.

Muhofaza choralari: Ovlash taqiqlangan. Sudoche k. buyurtmaxonasida muhofaza ostiga olingan.