Lynx lynx (Linnaeus, 1758)

ssp. isabellinus (Blyth, 1847)

Maqomi. 2(VU:D): zaif, qisqarib borayotgan,mozaik tarqalgan kenja tur. TMXI Qizil roʼyxatiga kiritilgan [LC].

Tarqalishi:  Turkiston, Hisor, Koʼxitang, Bobotogʼ t. 

Oʼzbekistondan tashqarida: Oʼrta Osiyo mamlakatlari, Qozogʼiston, Moʼgʼiliston, Xitoy gʼarbi, Аfgʼonistonning, Po- kistonning, Hindistonning shimoli.

Yashash joylari: Togʼlarning oʼrta va yuqori qismlari (alьp oʼtloqlari zonasining bargli oʼrmon va archazorlar qoplagan quyi chegarasigacha), koʼpincha soch- ma-toshloq va qoyalarga yaqin joylar.

Soni: Uzluksiz kamayib bor- moqda; 1980-1990 yillarda Hisor t. - 50-66 ta, Koʼxitang t. - 10-12 tasi hisobga olingan; jami, taxminan, 100 donaga yaqin.

Yashash tarzi:  Аsosan tunda, baʼzan kunduzi ham faol, boshqa paytlari chakalakzor butalar orasiga berkinib yotadi. Juftlashishi - yanvar martda. May-iyunda urgʼochisi qalin chakalakzordagi makonlarida bolalaydi (3-6). Bolalari 2-3 yilda jinsiy voyaga yetadi. Koʼpayish davridan soʼng ozuqa yetishmasa koʼchadi. Quyonlar, baʼzan kemiruvchilar, tuyoqlilar, qushlar bilan oziqlanadi. 17 yilgacha yashaydi.

Cheklovchi omillar:  Oʼrmonlarning kesilishi, ozuqa manbalarining kamayib ketishi, brakonerlik.

Koʼpaytirish:  Dunyoning koʼplab hayvonot bogʼlarida koʼpaytiriladi.

Muhofaza choralari:  Ovlash taqiqlangan. Hisor, Zomin, Surxon qoʼriqxonalarida muhofaza ostiga olingan. SITESning II-Ilovasiga kiritilgan.